பயணங்கள் முடிவதில்லை…- பயணக் கட்டுரை(13)

 பாகம் 13

பயணங்கள் முடிவதில்லை…

டெக்சாஸில் இந்தப் பயணம் நிறைவுறும் என்று நினைத்திருந்தேன், ஆனால் கலிபோர்னியாவில் இருந்த உறவுகளின் அன்பு அந்த முடிவை மாற்றியது. சுற்றுலா நோக்கம் இல்லை என்று தொடங்கிய இந்த பயணம், இன்னொரு அமெரிக்கப் பயணமாக விரிந்தது. 

டெக்சாஸ் நெடுஞ்சாலைகள்

அரிசோனா பாலைவனம்

லாஸ் வேகாஸ் இரவுக் காட்சி

லாஸ் ஏஞ்சல்ஸ் நகரமும் கடலும்

Big Sur இயற்கை வளம்

சான் பிரான்சிஸ்கோ நகர அழகு

4 மாநிலங்கள்

2 வாரங்கள்

என்ற திட்டத்துடன் Dallas விமான நிலையத்தை அடைந்தோம். அது ஒரு சாதாரண கட்டமைப்பு அல்ல என்பதே முதல் உணர்வு. பயணியை மையமாகக் கொண்ட அதன் வட்ட வடிவமைப்பு, terminals அனைத்தையும் அரை வட்டமாக அமைத்து, பயணிகள் நேரடியாக gate அருகிலேயே இறங்கும் வசதியை வழங்குகிறது. 

Skylink என்ற தானியங்கி ரயில், சில நிமிடங்களில் terminal மாற்றத்தை எளிதாக்கி, பெரிய விமான நிலையமாயினும் ஒரு சுலபமான அனுபவத்தை உருவாக்குகிறது. 

விமானம் ஓடும் போது நமக்குக் கீழே வாகனங்கள் செல்லுகிறது. பாலத்தின் மேல் விமானம்  நகர்வதைப் பார்த்த அனுபவம் வியப்பூட்டியது, ( பலமுறை கனொளிகளாக பார்த்ததுண்டு) அது runway அல்ல 

Taxiway bridge என்பது விமானங்கள் runway-க்கு செல்லும் பாதை சாலைகளுக்கு மேல் பாலமாக அமைக்கப்பட்ட ஒரு தீர்வு. இந்த வகை அமைப்பு இந்தியாவில் அரிது, 

Indira Gandhi International Airport மற்றும் 

Kempegowda International Airport போன்ற இடங்களில் tunnels மற்றும் நிலை வேறுபாட்டு அமைப்புகள் இருந்தாலும், அமெரிக்காவில் உள்ளது போல வெளிப்படையான plane-over-road அமைப்பு மிகக் குறைவு.

பின்னர் Denver விமான நிலையத்தை அடைந்தோம். அது ஒரு airport மட்டும் அல்ல, அனுபவமும் மர்மமும் கலந்த ஒரு உலகம். உலகின் மிகப்பெரிய பரப்பளவு கொண்ட விமான நிலையங்களில் ஒன்றான இது, விரிவான runway அமைப்புகளாலும், பனிமலை போன்ற கூரை வடிவத்தாலும் தனித்துவம் பெறுகிறது; உள்ளே சென்றவுடன் ஒரு பெரிய மாநாட்டு மையத்தில் இருப்பது போன்ற உணர்வு உருவாகிறது. விமான நிலையம் முழுவதும் காணப்படும் murals, போர், அழிவு, அமைதி ஆகியவற்றை வெளிப்படுத்துகின்றன; சிலர் அவை உலக முடிவை குறிப்பதாக கருதுகின்றனர். வடிவமைத்த கலைஞர் மனித சமூகம் அழிவிலிருந்து அமைதிக்குச் செல்லும் பயணத்தைச் சொல்வதாகும் என்கிறார். 

இது கட்டப்பட்ட காலத்திலிருந்தே ஒரு சாதாரண infrastructure திட்டமல்ல என்ற எண்ணம் பலருக்கு தோன்றியது, அதனால் பல கதைகள் உலாவருகின்றன.

New World Airport Commission

Dedication stone-ல் காணப்படும் இந்த பெயர், சிலருக்கு New World Order மற்றும் ரகசிய அமைப்புகளுடன் தொடர்பு இருக்கலாம் என்ற எண்ணத்தைத் தருகிறது; ஆனால் அது ஒரு கட்டுமான அமைப்பின் பெயர் மட்டுமே என அதிகாரப்பூர்வ விளக்கம் கூறுகிறது.

கீழே உள்ள சுரங்கங்கள் உண்மையில் என்ன?

அங்கு பெரிய underground tunnel network உள்ளது; அது baggage மற்றும் logistics பயன்பாட்டிற்காக இருந்தாலும், சிலர் அதை bunker, underground city அல்லது military base என கூறுகிறார்கள்.

Leo Tanguma உருவாக்கிய படங்களில் gas mask அணிந்த வீரர்கள், குழந்தைகள் மரணம், தீப்பற்றிய நகரங்கள் போன்ற காட்சிகள் உள்ளதால், சிலர் அதை உலக அழிவை முன்கூட்டியே காட்டுவது என நினைக்கிறார்கள்; ஆனால் கலைஞர் அதை “போர்→அழிவு →அமைதி” எனும் மனிதகுலத்தின் மாற்றப் பயணமாக விளக்குகிறார்.

Blucifer என்னும் நீல குதிரை சிலையின் பின்னணி என்ன?

32 அடி உயரத்தில் சிவப்பு கண்களுடன் இருக்கும் இந்த சிலையை உருவாக்கிய Luis Jiménez, அதை உருவாக்கும் போது ஏற்பட்ட விபத்தில் உயிரிழந்தது அதன் மீது மர்ம உணர்வை அதிகரித்துள்ளது; இதனால் சிலர் அதை cursed அல்லது evil symbol என கருதுகின்றனர்.

Runway ஐ மேலிருந்து பார்க்கும்போது அதன் வடிவம் சிலருக்கு swastika போல தோன்றுவதால் சிலர் அதனை Nazi குறியீடு அல்லது மறைமுக சிந்தனை என்று கூறுகிறார்கள். ஆனால் அது காற்றின் திசை மற்றும் விமான இயக்கத் தேவைகளுக்கு ஏற்ப வடிவமைக்கப்பட்டதே என்று மறுக்கப்படுகிறது. 

இந்த அனைத்துக்கும் பொதுவான உண்மை என்னவெனில், உறுதியான ஆதாரம் எதுவும் இல்லை; கற்பனை, ஒற்றுமை, மற்றும் மனித மனத்தின் அறியாததை நோக்கிய ஈர்ப்பே இந்த கதைகளின் அடிப்படை. Denver விமான நிலையம் இதற்கான விளக்கங்களை பலமுறை வழங்கியுள்ளது. இறுதியில், அது ஒரு விமான நிலையம் மட்டுமல்ல; பொறியியல் திறமை, 

கலை வெளிப்பாடு, 

மனித கற்பனை 

ஆகிய மூன்றும் ஒன்றாக கலந்து உருவான ஒரு  வித்தியாசமான மர்ம அனுபவம்.

அரிசோனாவில் தொடருவோம்…