உலக மூத்தோர் தினத்தில் (21/8/2026) ...

 உலக மூத்தோர் தினத்தில் (21/8/2026) ...

நேத்து வரை ஓடோடி சேர்த்தோம், சேமித்தோம்  

   நிலம், வீடு, நகை என வாங்கிக் குவித்தோம் 

கூத்தடித்தோம் இல்லறத்தில் துணையுடன் 

   குழந்தைகள் பிறந்தனவோ ஓரரை டஜன் (6)

காத்து வாங்க கடற்கரை சேர்ந்தே போனோம் 

   கால் வாரும் அலைகளிடை கடலை தின்றோம்

ஊத்துக்குளி வெண்ணெயாய் உருகிய குடும்பம் 

   "ஓய்வெடுக்க வேண்டும் நீங்கள்!" என்னும் 

பேத்தியும், பேரனுமே உலகமெனச் சுருங்கினோம்

   பெரியவர்கள் "எல்லாம் பொய்" என்றதை மறந்தோம் 

   

சாத்துக்குடி அது போல் பிழியப் பட்டோம் 

   சர்க்கரை நோய் புகவும் வழிவிட்டோம்

பார்த்துக் கொள இன்று யாரும் இல்லை

   பறந்தன கிளிகள் விரித்து தம் சிறகை

மூத்தகுடிகள் தினமாம் இன்றாவது 

   "முழு வாழ்வும் நமக்காம் இனியாவது".

__. குத்தனூர் சேஷுதாஸ் 21/8/2026