இக் கரையே இச்சை
இக் கரையில் பச்சை குறைவாய்த் தோன்றும்
" ஈரப்பசை "அதுவோ இங்கு தான் அதிகம்
"விக்கல்" வர இக்கரையில் உடன் மருத்துவம்
விஷமானாலும் அங்கே செய்யணும் தவம்
" அக்கறை " இக்கரையில் அதிகம் அதிகம்
அதுவே சில நேரம் ஆகும் "உபத்திரவம்"
சர்க்கரை, உப்பு என இன்னும் பல இங்காம்
சப்பெனும் வெண்பனி மட்டுமே அங்காம்
பக்கத்து வீட்டார் யார் அங்கே தெரியாதாம்
பத்து கிலோமீட்டர் இங்கே தெரிவாராம்
துக்கம், மகிழ்ச்சி என இரண்டுக்கும் ஆடுவார்
துப்பாக்கியால் மழலை அப்பாவிகளைச் சுடார்
சுக்கு காபி முதல் சூப்பர் ஸ்டார் வரை இங்கு
சோளப் பொறி முதல் சோலாப் பூரி வேறெங்கு?
மக்களாட்சியில் பெண் தலைமை (Presidency) இங்காம் முதலில்
மயக்கும் அமெரிக்காவில் இன்னுமது கனவில்.
__. குத்தனூர் சேஷுதாஸ் 30/4/2026
No comments:
Post a Comment