திட்வா (Ditwah) என்றால்...
குட்டி போட்ட பூனையாய்ச் சுற்றி வருகிறாய்
கொண்டலென்ற பெயரும் கொண்டிருக்கிறாய்
வட்டிக்கு வாங்கியவன் தலைமறைவா?
வட்டமிட்டு அவனைத் தேடுகிறாயா?
சொட்டிச் சொட்டி சென்னையைக் குளிர்வித்தாய்
சுடச்சுட வாய் கேட்கத் தூண்டியும் விட்டாய்
முட்டி வலிக்கிறது காலார நடக்காமல்
மூத்த குட்டிகளும் (Senior kids) முடங்கியது வாராமல்
பட்டாம்பூச்சிகளைப் பார்க்க முடியவில்லை
பந்தாடும் சிறார் எங்கும் தென்படவில்லை
"திட்வா" என்றால் தீவா? மலரா? சொல்லேன்
திரும்பிப் போகும் திசை அதையும் சொல்லேன்
கொட்டித் தீர்த்து பின் ஓய்வாய் எப்போது?
குழந்தைகள் சேற்றில் எப்போ களிப்பது?
கட்டிக் கொண்டு கையை சும்மா அமர்ந்தும்
கவிதைகள் உதயமிங்கு பல சுகப் பிரசவம்.
__. குத்தனூர் சேஷுதாஸ் 1/12/2025
No comments:
Post a Comment