உழைத்துக் களைத்து
வீடு திரும்பையில்
அப்பாடா என்று சாய்கையில்
கை கொடுக்கும் "தாய் மடி".
சில நேரங்களில்
வேண்டும் பொருட்களைத்
தேடும் போது மேலே மட்டும்
மறைக்காமல் கீழேயும்
ஒளித்து வைக்கும்
"திருடன்".
முகம்மது சுலைமான்
*****************
இன்றைய இருக்கை
இருகரம் கூப்பி "வருக வருக" என்பார்
இருக்கை காட்டி கைவிசிறியும் தருவார்
அருந்த நீரோ, மோரோ கிடைக்கும்
"அண்ணி, பிள்ளைகள் எங்கே?" கேட்கும்
"கரும்பும், நெல்லும் கொழித்தனவோ?" வினாவும்
"கல்யாணம் மகளுக்கு கண்டிப்பாய் வரணும்"
பருக இப்போது சூடான காஃபி வரும்
பாலிலே செய்தது இராது நீரும்
" பெரிய ஏரியின் நீர் மட்டம் எவ்வளவு? "
"பெருமாள் கோயில் குடமுழுக்கு என்று?"
"விருந்துண்டுதான் போகணும்" எனப் பிடிவாதம்
வீட்டில் செய்தவையே விரித்த இலையிலும்
"திருவிழா வரும் போது எல்லோரும் வரணும்"
திரும்பத் திரும்ப இது கேட்கும் வீடுதோறும்
உறவுகள் அமர்ந்த இடம் பொருள்களாம் இன்று
ஒரு நாள் முன் வந்து flip வண்டியில் (Flipkart) திரும்புது .
__. குத்தனூர் சேஷுதாஸ்
No comments:
Post a Comment