எண்ணியும் பாராத ஏஐ 171
பாகாய் இனிக்கும் பூலோக வாழ்வு இது
பலருக்கும் ஏனோ பின் வேம்பாகிறது!
ஆகாய விமானமது (ஏஐ 171), போயிங்கென்று
அகமதாபாத் விட்டுப் புறப்படுகிறது (12/6/2025)
போகுமிடம் லண்டனென ஒலிக்கிறது
பொறுக்காத விதிக்கோ வலிக்கிறது
வேகமாய் விண்ணோக்கிப் பாய்கிறது
விடாமல் விதி அது நாய் ஆகிறது
போகாதே என்று யாரும் தடுக்கவில்லை
" போய் வா " அசையும் கையும் ஓயவில்லை
சோகமாய்ப் பயணமது உடனே முடிகிறது
சொடுக்கும் நேரம் தான் வெடிக்கிறது
நோகாச் சாவே யாவரின் விரும்பம்
நொடியில் மொத்தமாய் இது அநியாயம்
சாகா வரத்துடன் யாரும் பிறக்கவில்லை
க்ஷணத்தில் சாம்பலாக சம்மதமில்லை.
" ஆழ்ந்த இரங்கல்"
__. குத்தனூர் சேஷுதாஸ் 13/6/2025
No comments:
Post a Comment