உழைப்பாளர் தினம்!
நீங்கள் தட்டத் தட்ட
தேய்க்கத் தேய்க்க செருப்பாய்த் தேய்கிறோம்!
நீங்கள்
டேட்டாவை(Data) ஏற்ற ஏற்ற
டேட் (Date)காண்பித்தபடி
உழைக்கிறோம்!
உங்களுக்குப் பின் உறங்கி( சிலர் எதையாவது கேட்டுக் கொண்டே தூங்குவர்)
உங்களுக்கு முன் எழுந்து
உங்களையும் எழுப்பி விடுகிறோம்!
நாட்காட்டியின் வேலையும்
எங்கள் மேல் திணிக்கப்பட்டு...
பாடச் சொல்லி..
சத்தமில்லாமல் ஆடச் சொல்லி( vibrate)..😢
உங்கள் குழந்தைகளுக்கு
சோறூட்ட விளையாட்டு காண்பித்து..
எங்கோ யாரோ உங்களை எம் நண்பர்களின் உள்ளே
நம்பர்கள்களாய் (number)
வைத்து
நினைக்கும் போதெல்லாம் தேடித் தட்ட
நாங்கள் உங்கள் முன்
நீங்கள் விரும்பிய
ஓசையில் சிணுங்கி...
நீங்கள் நினைத்ததைப்
படம் பிடித்து..
பிடித்தாலும் பிடிக்காவிட்டாலும் உங்கள் முகங்களையும்
படம்பிடித்து(selfie)...
அப்பப்பா...
எங்களுக்குள் பல
ஆப்( app) களை இறக்கி
ஆப்பு வைத்ததாலும்
உங்களுக்காக
மாடாய் உழைக்கிறோம்!
இன்று மே 1
உழைப்பாளர் தினம்
இன்றாவது எங்களுக்கு உண்டா விடுமுறை?
- சாய்கழல் சங்கீதா
No comments:
Post a Comment