இது தான் தங்கம்
நாட்டின் நிதிநிலை தங்கக் கட்டிகள் கையிருப்பில்
நம்மூர் தலைவர்கள் வீடே நாடென நினைப்பில்
மேட்டுக்குடி அதற்குத் தங்கம் மேல் மோகம்
மேலும் மேலும் அதை வாங்கிக் குவிக்கும்
பூட்டி அதை சிறை வைத்து மறந்தே போவார்
போன கொள்ளை என்று? அதுவும் அறியார்
காட்டுப் புலி தானென * இடை வர்க்கம் நினைக்கும்
கரண்டியால் உடலில் சூடு போட்டுக் கொள்ளும்
ஆடிப் போகும் புதிதாய் அடுத்தவரிடம் கண்டேதும்
அட்சய திருதியை அன்றோ பேயாட்டம் ஆடும்
கூட்டத்தில் அணிந்து கொள முடியாமல் போகும்
குடக்கூலி வங்கிகளில் ஆயிரங்கள் ஆகும்
மாட்டை, ஆட்டை நம்பி மக்களின் பெருங் கூட்டம்
மஞ்சள் தங்கம் தீர்க்கும் அன்னார் பசி, தாகம்
சேட்டுக் கடை, வீடு இடையே ஷட்டிலாய் ஓடும்
செல்ல இல்லாள் கழுத்தில் சில நாளே ஆடும்.
" இது தான் தங்கம் "
* நடுத்தர வர்க்கம்
__ குத்தனூர் சேஷுதாஸ்
No comments:
Post a Comment