★★★★★★★★★★★`★
பரவசமூட்டிய பயாஸ் கோப்
★★★★★★★★★★★`★
தெருவின் முனையில் திரும்புகையிலே
கூவிக் கூவி அழைத்திடுவார்
வண்ண வண்ணமாய் மின்னுகின்ற
பெரிய பெட்டியோடு வந்திடுவார்
பெட்டியின் நடுவினிலே பெரிதாய் இருக்கும்
ஒளிப்பெருக்கி குவி ஆடியொன்று
துட்டு ஓரணா கொடுத்தோர் மட்டும்
களிப்போடு பார்த்திடலாம் காட்சிகளை
எம்.ஜி.ஆரின் சிலம்புச் சண்டை
சிவாஜியின் நவரச நடிப்பு
காதல் மன்னனின் டூயட் பாடல்
கண்டு நாமும் இரசித்திடலாம்.
காட்சிகள் திரையில் வருகையிலே
காமென்ட்ரியும் கொடுத்திடுவார்
சுழன்றடிக்கும் சிலம்பம் பார்
சிவாஜி கண்ணில் பாசம் பார்
ஜெமினி முகத்தில் சிரிப்பைப் பார்
பத்மினி ஆடும் அழகைப் பார்!
பயாஸ் கோப் பார்த்து இரசிக்க
கூறும் வர்ணனை செவியில் சுழலும்
பார்க்கும் நமது உள்ளமோ மகிழும்
பாரு.. பாரு.. பயாஸ்கோப்பு பாரு
எனும் பயாஸ்காரரின் குரலே சொர்க்கம்
இக்காலக் குழந்தைகட்கு கிடைக்கா அமுதம்
உங்கள்_தோழன்_ஸ்ரீவி
No comments:
Post a Comment