உப்புமா 8
சாம்பார்
உன்னை பிடிக்காதவர் யார்?
வீட்டில் நடப்பது உன் தர்பார்
போட்டிக்கு வந்தனர் பலர்..பார் !
நீயே என்றும் சலிக்கா சாம்பார்
வீட்டுக்கு வீடு
நாளுக்கு நாள்
உன் ருசி மாறும்..
உணவு விடுதியிலோ
மாஸ்டர் மாறினால்
மட்டுமே மாறும்...
காலை மதியம் மாலை இரவு
வேண்டும் உன் தயவு..
நீ ரொம்ப நல்லவன்
கண்டு சொன்னது ஆய்வு..
முருங்கை வெண்டை
கத்திரி முள்ளங்கி
பூசணி கீரை
எல்லாம் உன் நட்பாம்
" சரியான சாம்பார்" என்றால்
அடக்கமுடியா சிரிப்பாம்
இட்லி வடையுடன் வாட்டமாய்
ஆந்திராவில் காட்டமாய்
காய்கறிகளோடு கூட்டமாய்
நீர் மிகுந்தால் ஓட்டமாய்..
டிபன் சாம்பார்
அரைத்து விட்ட சாம்பார்
கதம்ப சாம்பார்
திடீர் சாம்பார்
எல்லாம் சாம்பார்மயம்
சாம்பார் இருக்க ஏது பயம்!!!
- சாய்கழல் சங்கீதா
No comments:
Post a Comment