◆०◆०◆०◆०◆०◆०◆०◆०●०●०◆
குழந்தைகள் தினம்: நவ.14
நல் வாழ்த்துகள்
◆०◆०◆०◆०◆०◆०◆०◆०◆०◆०◆
வஞ்சமில்லா நெஞ்சம் கொண்டோர்
கொஞ்சு மழலையால் உலகம் ஆள்வோர்
அஞ்சுதல் இன்றி ஆட்டம் போடுவார்
கெஞ்சிக் கொஞ்சி காரியம் முடிப்பார்
கைகால் முளைத்த தேவதை இவர்கள்
பைகள் தூக்கிப் பள்ளிக்குச் செல்வர்
தைதையெனவே ஆடியும் மகிழ்வர்
மைபூசிய விழியால் அழகை இரசிப்பர்
கவலையில்லா உள்ளம் கொண்டு
கபடம் களவு ஏதும் இன்றி
கலகலப்பாய் சிரித்தே வாழ்வார்
பூவுலகை சொர்க்கம் ஆக்குவார்!
குழந்தைகளே இன்ப ஊற்று!
குழந்தைகளே அன்பின் ஜோதி.
குழந்தைகளே உலகின் சக்தி!
குழந்தைகள் தின நல் வாழ்த்துகள்!!
உங்கள்_தோழன்_ஸ்ரீவி
--------------------
குழந்தைகள் தினம்
------------------
வாழ்க்கைச் சூழலில்
சிக்கிக் களைப்புறும்
மாந்தர்தமக்கு மகிழ்வூட்ட இறைவன்
அளித்த வரம் குழந்தைகள்.
வெள்ளை உள்ளம் கொண்டு, கள்ளமில்லா சிரிப்புடன் வெள்ளந்தியாக உலா வரும் இவர்தம்மைக்
காணறுங்காலை
எத்தனை கோடி இன்பம் இவ்வுலகில்
என்று பாடத்தோன்றுகிறது.
இவர்கள் அரசில்
மொழி, எல்லை, இட ஒதுக்கீடு பிரச்னைகளே
கிடையாது-யாதும் ஊரே, யாவரும் கேளிர்தான்!
குழந்தைத்தனமாக நடக்காமல் குழந்தைகள் போல் மக்கள் நடப்பின்
வையகமே அமைதிப்பூங்கா ஆகாதோ!
குழந்தைகளுக்கு இந்த 'மழலை'யின்
'குவா குவா'(குழந்தைகளுக்கு வாழ்த்துக்கள்) என்றபடி
இனிய குழந்தைகள்
தின நல்வாழ்த்துக்கள்!🌺🌺🌺
---மோகன்
-------------------------------
நவம்பர் 14 !
நமக்கெல்லாம் குழந்தைகள் தினம்!
பலூன் தராத😀
நேரு மாமா பிறந்த தினம்!
உலக அளவில் நவம்பர் 20..
பல நாடுகளில் ஜூன் 1...
இன்னும் சில தேதிகள்!
குழந்தைகளை ஆலோசிக்காமல் வளர்ந்த குழந்தைகள் தேர்வு செய்த தேதி!
இதுவல்ல சேதி!
குழந்தைகளுக்குக் கல்வி,
பாதுகாப்பு என
பட்டியல் நீளும்!
பலன் முழுதும் சேர்ந்ததா?
தெரியவில்லை இந்நாளும்!
மேலை நாடுகளில்
பெற்றோர் " பட்" என்று அறைந்தால்
போன் பறக்குமாம்!
பேசுபவர் :குழந்தை
அளிப்பது: புகார்..
" வாட்" என்று கேட்டு வீட்டின்
" கேட்" திறந்து வருவராம்!
"மை காட்" என்று இரண்டு தலைகளில் நான்கு கைகள்!!!😀
குழந்தைகள் தின வாழ்த்துகள்!💐
- சாய்கழல் சங்கீதா
----
No comments:
Post a Comment