★०★०★०★०★०★०★०★
பள்ளிக்கு நடந்து போகும் சுகானுபவம்
★०★०★०★०★०★०★०★
வீட்டு வாயிலில் வந்து நிற்கும்
பேருந்தில் ஏறி பள்ளி போகும்
குழந்தைகள் அறிவரோ
காத தூரம் நடந்து போய்
கல்வி கற்ற குழந்தைகளின்
ஆனந்தத்தை!
இரு புறமும் பசேலென வயல்வெளிகள்
ஒரு புறத்தில்
சலசலத்து ஓடும்
நீரோடை
இடையிலே வளைந்து செல்லும் சர்ப்பமாய்
ஒத்தையடிப் பாதை
சாலையோரம் ஓங்கி உயர்ந்து நிற்கும்
விருக்ஷங்கள்
தூரத்தில் விண்ணை முட்டும் மலைச்சரிவு
எறும்புகள் போல் சாரை சாரையாய்
அணிவகுத்து நடந்து போகையில்
ஆட்டம் ஆடி பாட்டுப் பாடி
குதித்தோடும் மகிழ்ச்சி
இக்காலக் குழந்தைகட்கு கிடைக்குதோ..!?
No comments:
Post a Comment